Netverslun færist nú mjög aukana vegna ótta við smit kórónuveirunnar. Meðal fyrirtækja sem hafa treyst sig mjög í sessi í netverslun er Heimkaup.is. Fyrirtækið hefur nú sent frá sér ítarlega tilkynningu þar sem farið er yfir aðgerðir og verklag vegna COVID-19.

Tilkynningin er eftirfarandi:

„Heimkaup.is er eina matvöruverslun landsins sem hvorki viðskiptavinir né birgjar hafa beinan aðgang að. Viðskiptavinir kaupa allt í gegnum vefinn og fá sent heim og birgjar skilja vörurnar eftir í vörumóttökunni. Þetta þýðir að Heimkaup.is getur betur stýrt sínu umhverfi en nokkuð annað íslenskt fyrirtæki á matvörumarkaði.

Við tökum hlutverk okkar á þessum tímum alvarlega og höfum gripið til eftirfarandi aðgerða í samráði við sérfræðinga fyrirtækisins, Vinnuvernd ehf.

Aðgerðirnar eru gerðar til þess að tryggja öryggi starfsmanna og ekki síður viðskiptavina!

Fræðsla:

• Allt starfsfólk hefur hlotið fræðslu í smitleiðum o.fl. sem tengis COVID 19 hjá Vinnuvernd.

Uppskipting mannafla:
Hingað til hefur allt starfsfólk Heimkaup.is unnið í vöruhúsinu að Smáratorgi 3. Á meðan ástandið varir hefur verið farið í eftirfarandi aðgerðir.

• Ekkert skrifstofufólk vinnur í vöruhúsi Heimkaup.is
  Þetta fólk vinnur nú ýmist heiman frá sér eða á skrifstofu sem var leigð sérstaklega fyrir þá sem ekki áttu gott með að vinna heiman frá sér.

• Öllu starfsfólki í vöruhúsi og akstri skipt upp í tvær vaktir þar sem enginn á A-vakt á samneyti við fólk á B-vakt.

Þrif milli vakta skipulögð m.t.t. ástandsins:
Breytingar hafa verið gerðar á þrifum á vöruhúsinu þannig að nú er bæði þrifið oftar og þau sérhæfð m.t.t. aðstæðna:

• Þrifið milli allra vaktaskipta.
• Sérhæfð þrif þar sem áhersla er lögð á alla snertifleti:
  • Hurðarhúnar og ljósarofar
  • Handföng (ísskápar og aðrar hirslur sem gengið er um)
  • • Kaffi og vatnsvélar
    • Hurðar
    • Uppþvottavél
    • Sápuskammtarar
  • Önnur eldhúsáhöld s.s. teketill, brauðrist og samlokugrill.
    • Verkfæri eins og hnífar, límbyssur o.fl.
    • Snertiskjáir, mýs og lyklaborð.
    • Handföng á vögnum og kerrum.
    • Handföng og bök á stólum, borð og bekkir.

Engar heimsóknir eða fundir í vöruhúsi Heimkaup.is:

• Engar heimsóknir vina eða vandamanna í vöruhúsið leyfðar.
• Allir fundir skrifstofufólks fara fram á skrifstofunni sem leigð hefur verið fyrir utan vöruhúsið.

Handþvottur:
Veiran smitast með snertismiti og dropasmiti. Snertismit og er algengasta smitleiðin og allt starfsfólk þvær hendur skv. eftirfarandi reglum:

• Þegar mætt er til vinnu (sápa og spritt).
• Áður en tekin er upp handskanni og þegar hann er settur niður (spritt).
• Þegar farið er í og úr matar eða kaffipásu (sápa og spritt).
• Þegar farið er á salerni (sápa og spritt).
• Áður en farið er út í bíl (sendlar).

Leiðbeiningar um handþvott eru sýnilegar alls staðar þar sem fólk þvær sér um hendurnar.
Þeim tilmælum beint til starfsfólk að vera ekki með óþarfa skraut á höndum og þvo vel undir hringum eins og giftingar- og trúlofunarhringjum.

Hendur geta orðið sárar við svona mikinn þvott og því er nærandi handáburður í boði fyrir alla starfmenn.

Allir sendlar nota einnota hanska:

• Sendlar setja á sig einnota hanska áður en farið er með pöntun til viðskiptavinar.
• Hanskar eru fjarlægðir áður en farið er inn í bíl og þeir settir í þar til gerðan ruslapoka
• Spritt borið á hendur þegar sest er undir stýri.
• Nýir hanskar settir á við næsta stopp.
• Ruslapokum hent í lok dags í tunnur sérstaklega ætlaðar fyrir umrædda hanska.

Engin snerting við viðskiptavini:

Bílstjórar okkar hafa í gegnum tíðina stundum farið með poka alla leið inná eldhúsborð viðskiptavina. Meðan ástandið varir getum við ekki veitt þessa þjónustu.  Þeir munu því dingla og/eða banka, setja pöntunina niður fyrir utan íbúð/útidyrnar, taka 1-2 skref aftur á bak og bíða þess að viðskiptavinurinn komi til dyra.

Margnota innkaupapokar:

• Við tökum ekki við margnota innkaupapokum á meðan ástandið varir.

Sameiginlegt mötuneyti á 19 hæð á Smáratorgi 3 ekki notað:

• Fleiri hundruð manns nota mötuneytið og starfsfólk Heimkaup.is mun ekki nota það á meðan ástandið varir.

Að auki er þeim tilmælum beint til starfsmanna að passa að verja sig utan vinnutíma og leggja ekki í óþarfa ferðlög og að sjálfsögðu að halda sig heima ef þeir finna fyrir einhverjum einkennum. Ef það er grunur um smit skal hringja í 1700 (24 tíma) eða heilsugæslu á dagvinnutíma.“