Þriðji maðurinn var lagðir inn á spítala í dag með COVID-19 smit. Kom þetta fram á upplýsingafundi vegna kórónuveirunnar. Þórólfur Guðnason sóttvarnalæknir skýrði frá þessu en sagðist ekki vita nánar um veikindi mannsins. Samkvæmt frétt á Vísir.is – er maðurinn eldri borgari og alvarlega veikur.
Aðspurður sagði Þórólfur að sett yrði á samkomubann á ákveðnum tímapunkti en það væri ekki komið að því.
Fram kom í máli Þórólfs að 90 hefðu nú greinst með veiruna, 35 þeirra voru að koma frá Ítalíu, 29 frá Austurríki, 4 frá Sviss og 1 frá Asíu. Alls 15 hafa smitast af þessum aðilum og fjórir af þessum 15 í svokölluðum þriðja stigs smitum. Óviss uppruni er um smit hjá tveimur sjúklingum. Alls hafa verið tekin 830 sýni og um 700 manns eru í sóttkví.
Nánar upplýsingar um kórónuveiruna er að finna á vef Landlæknis.
