Eftirförin vakti mikla athygli á samfélagsmiðlum og deildu margir myndböndum þar sem sjá mátti steypubílinn aka á móti umferð á Sæbrautinni. Líkt og gefur að skilja þá var almenningur í talsverði hættu. Lögregla telur að steypubílnum hafi verið stolið af byggingasvæði. Vitni að atvikinu sögðust vera í áfalli á samfélagsmiðlum.
„Mikil hætta skapaðist á tíunda tímanum í morgun þegar steypubíl var stolið við nýbyggingu á Vitastíg í miðborg Reykjavíkur og honum ekið niður Laugaveg, Bankastræti, um Lækjargötu og eftir Sæbraut uns bifreiðin stöðvaðist nálægt Kleppsvegi þar sem eftirförinni lauk,“ sagði í tilkynningu frá lögreglu vegna málsins. „Lögreglan var með mikinn viðbúnað vegna málsins, en ökumaðurinn, karlmaður um þrítugt, virti öll stöðvunarmerki að vettugi og setti bæði sjálfan sig og aðra vegfarendur í mikla hættu með þessu framferði, en hann ók meðal annars á öfugum vegarhelmingi á meðan þessu stóð. Ökumaðurinn var handtekinn á vettvangi og fluttur á lögreglustöð.“
Samkvæmt upplýsingum frá lögreglu var steypubílnum stolið frá bygggingarsvæði við Vitastíg upp úr kl. 9 í morgun. Bíllinn var á vegum fyrirtækisins Steinsteypunnar. Að sögn lögreglu tókst að stöðva för mannsins sem stal bílnum.
Hér fyrir neðan má sjá myndbandið sem minnst er á ofar í fréttinni:
