Alls hafa nú 56 Íslendingar verið greindist með kórónuveiruna. Tveir hafa greinst það sem af er degi í dag. Þetta kom fram á blaðamannafundi um kórónuveiruna sem nú stendur yfir í Skógarhlíð.

Að sögn Þórólfs Guðnasonar sóttvarnalæknis hafa 22 hinna greindu smitast á N-Ítalíu, 22 í Austurríki, 10 innanlandssmit eru greind út frá þessum ferðalöngum og einn maður sem var á ferðalagi í Asíu hefur einnig greinst.

„Það er því ekki frekari útbreiðsla sem er mjög ánægjulegt,“ segir Þórólfur, en ljóst er að smitin eru enn bundin, beint og óbeint, við afmarkaða hópa.

„Við munum halda áfram að finna, greina snemma og beita einangrun og sóttkví. Ekki er fyrirhugað að breyta aðgerðum að sinni,“ sagði Þórólfur enn fremur.

Enn fremur kom fram á fundinum að öllum Hrafnistuheimilum hefur verið lokað tímabundið fyrir heimsóknum.