Efling og Reykjavíkurborg eiga í stífum samningaviðræðum um helgina til að freista þess að ná samningum um kjör ófaglærðra starfsmanna hjá borginni og enda allsherjarverkfall sem hefur staðið síðan 17. febrúar. „Hlutir hafa verið að skýrast,“ segir Viðar Þorsteinsson, framkvæmdastjóri Ef lingar í viðtali við Fréttablaðið í gærkvöld. Fundir halda áfram um helgina.

Ströng lota hefur verið í samningaviðræðum BSRB og ríkisins og er gert ráð fyrir að hún haldi áfram um helgina til þess að freista þess að semja en verkföll hafa verið boðuð á miðnætti á sunnudagskvöld.