„Fyrst velur þú þér portkonu til að sænga hjá, síðan velur þú um nokkrar leiðir til að taka hana af lífi.“ Þessi orð lét Una María Óskarsdóttir, þingmaður Miðflokksins, en hún var þar að vitna í samtal tveggja 9-10 ára drengja sem hún varð vitni að. Una gerði ofbeldi barna að umtalsefni í þinginu í morgun, og vefur Hringbrautar greinir frá.
Una María segir fjölmiðla oft færa almenningi fréttir af vanlíðan, heimilisofbeldi og eitulyfjaneyslu ungs fólks. Hún gerði hrottalega hópárás í Kópavogi sem var í fréttum fyrir stuttu að umtalsefni og velti upp þeirri spurningu hvort ofbeldisfull hegðun barna og unglinga ætti sér rætur í í óæskilegum fyrirmyndum. Una benti á að bíómyndir og tölvuleikir hefðu sín áhrif.
Una sagði síðan óþægilega sögu af samtali sem hún varð vitni að:
„Í gær heyrði ég sögu um níu til tíu ára drengi sem höfðu fengið að valsa greinilega í ofbeldistölvuleikjum og ljótur talsmáti þeirra var farinn að berast um bekkinn. Með leyfi forseta vil ég umorða þau hryllingsorð sem þeir létu falla og mín orð eru þessi:
„Fyrst velur þú þér portkonu til að sænga hjá, síðan velur þú um nokkrar leiðir til að taka hana af lífi.“
Þið getið rétt ímyndað ykkur hver orðin voru í raun.“
Ræða Unu var flutt í umræðu um bætt uppeldi, leið til forvarna og lýðheilsu.
