Ákveðið hefur verið að aflýsa kínversku hátíðunum sem fara áttu fram í Hörpu sunnudaginn 2. febrúar og mánudaginn 3. febrúar í Háskólabíói. Kínverjar fagna sem kunnugt er nýju ári en ákveðið hefur verið að fresta hátíðunum vegna kórónaveirunnar.
Í tilkynningu frá Háskóla Íslands og Konfúsíusarstofnuninni Norðurljós kemur fram að þeta sé gert af öryggisástæðum. Á hátíðunum átti meðal annars að koma fram listhópur frá Innri Mongólíu, en hætt hefur verið við komu hópsins til landsins.
„Okkur þykir afar leitt að aflýsa hátíðinni en erum þó öll sammála um að það sé rétt og skynsamlegt. Við biðjumst innilega velvirðingar og þökkum fyrir skilning á þessu máli,“ segir í tilkynningunni.
