„Það kom högg á húsið og hlutir á veggjum nötruðu,“ segir kona í Innri Njarðvík sem fann fyrir snörpum jarðskjálfta laust fyrir kl. 14 í dag. Samkvæmt upplýsingum Veðustofunnar var um að ræða skjálfta upp á 3,7 á Ricther með upptök 5,2 km í Norðnorðaustur frá Grindavík.
Nokkrir minni skjálftar fylgdu í kjölfarið. Skjálftinn fannst á Reykjanesinu, höfuðborgarsvæðinu og upp í Borgarnes.