fbpx
Föstudagur 25.september 2020
Fréttir

Snjóflóð féllu á Flateyri og í Súgandafirði – Stúlku bjargað úr snjóflóði á Flateyri

Kristján Kristjánsson
Miðvikudaginn 15. janúar 2020 04:06

Björgunarsveitarmenn að störfum. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Um klukkan hálf tólf í gærkvöldi féllu þrjú snjóflóð á Flateyri og í Súgandafirði. Tvö á Flateyri og eitt í Súgandafjörð. Annað flóðið, sem féll á Flateyri, er mjög stórt og sagt jafnast á við flóðið 1995 að stærð. Unglingsstúlku var bjargað úr flóðinu á Flateyri. Ekki hafa borist fregnir af slysum á fólki.

Á Flateyri féllu flóð úr Skollahvilft og Innra-Bæjargili. Í Súgandafirði féll flóð úr Norðureyrarhlíð, sem er gegnt Suðureyri, og hratt af stað öflugri flóðbylgju sem náði yfir fjörðin og skall á Suðureyri. Ljóst er að mikið eignatjón varð í báðum bæjunum.

RÚV segir að stúlkan, sem var bjargað úr flóðinu, hafi verið föst í því í um hálfa klukkustund.

Varðskipið Þór var statt á Ísafirði í gær og hélt fljótlega af stað til Flateyrar með 35 björgunarsveitarmenn, þrjá lögreglumenn og heilbrigðisstarfsfólk.  Samhæfingarstöð Almannavarna var virkjuð um leið og fréttist af flóðunum.

Flóðbylgja skall á Suðureyri

Snjóflóð féll úr Norðureyrarhlíð, sem er gegnt Suðureyri, og hratt af stað flóðbylgju sem skall á bænum. Nú þegar er vitað að nokkuð tjón varð á húsum og bílum. Björgunarsveitarmenn eru að störfum í bænum.

Vísir hefur eftir Vali S. Valgeirssyni, formanni björgunarsveitarinnar Bjargar, að tjónið sé ekki stórvægilegt. Húsnæði hafi skemmst og einhverjir bílar. Rúður hafi brotnað í einu íbúðarhúsi. Hann sagði að göturnar í neðri hluta bæjarins hafi verið „kjaftfullar af sjó og krapa“.

Veðurstofan telur ekki hættu á snjóflóðum úr hlíðinni ofan við Suðureyri en búið er að rýma það svæði sem Veðurstofan telur að sé í snjóflóðahættu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Nístandi fátækt hjá fólki í ferðaþjónustu – Hjón með 100 þúsund á mánuði

Nístandi fátækt hjá fólki í ferðaþjónustu – Hjón með 100 þúsund á mánuði
Fréttir
Fyrir 20 klukkutímum

Ólga á samfélagsmiðlum vegna „karlrembukasts“ Ragnars Þórs

Ólga á samfélagsmiðlum vegna „karlrembukasts“ Ragnars Þórs
Fréttir
Fyrir 22 klukkutímum

Íslendingar umburðarlyndari gagnvart innflytjendum en áður

Íslendingar umburðarlyndari gagnvart innflytjendum en áður
Fréttir
Í gær

Sýnatökur gærdagsins metnar á 50 milljónir – Ekki búið að gefa út gjaldskrá  

Sýnatökur gærdagsins metnar á 50 milljónir – Ekki búið að gefa út gjaldskrá  
Fréttir
Í gær

Fiskikóngurinn um starfsmennina sem hættu fyrirvaralaust – „Flestir segja að ég eigi að hýrudraga þær“

Fiskikóngurinn um starfsmennina sem hættu fyrirvaralaust – „Flestir segja að ég eigi að hýrudraga þær“
Fréttir
Í gær

Segir að faðirinn og jafnvel móðirin verði pyntuð í Egyptalandi

Segir að faðirinn og jafnvel móðirin verði pyntuð í Egyptalandi
Fréttir
Í gær

57 smit í gær – 2400 manns í sóttkví

57 smit í gær – 2400 manns í sóttkví
Fréttir
Fyrir 2 dögum

Fiskikóngurinn ósáttur við framkomu starfsmanna sinna: „Látum sumt starfsfólk traðka á okkur“

Fiskikóngurinn ósáttur við framkomu starfsmanna sinna: „Látum sumt starfsfólk traðka á okkur“
Fréttir
Fyrir 2 dögum

Vandamál með klám í Rimaskóla – „Einhver í skólanum sagði honum að gera það“

Vandamál með klám í Rimaskóla – „Einhver í skólanum sagði honum að gera það“