Íslenskur karlmaður sem kallar sig ýmsum nöfn á Tinder virðist hafa stundað það í nokkurn tíma að áreita konur. Maðurinn virðist haldinn blæti á háu stigi fyrir leðri, nánar tiltekið leðurhönskum. Það væri ef til vill ekki frásögu færandi ef það væri ekki fyrir að það maðurinn virðist ekki virða það þegar konur afþakka skilaboð hans, dæmi eru um að hann hafi farið að áreita konur utan Tinder, svo sem á Facebook.

Nokkrar færslur hafa verið birtar um manninn innan hópsins Stöndum Saman – Stefnumótaforrit á Facebook. Við lestur athugasemda við þær færslur verður ljóst að ótal konur hafi lenti þessum manni. Skjáskot sýna að hann villir ítrekað á sér heimildir. Dæmir eru um að hann hafi kallað sig Þórður, Bjarki, Þórólfur eða Þorsteinn, svo nokkur nöfn séu nefnd.

Sendi aftur og aftur

Í þriggja mánaða gömlum þræði innan fyrrnefnds hóps er greint frá því að maðurinn eigi konu og barn. DV hefur þó heimildir fyrir því að konan hafi farið frá honum síðan þá. Í þeim sama þræði lýsa konur upplifun sinni af leðurmanninum. „Þessi gaur spjallaði við mig og ef ég svaraði ekki þá sendi hann aftur og aftur og aftur… sem var einstaklega fráhrindandi og ég hætti að tala við hann (sem betur fer greinilega!),“ skrifar ein kona.

Kona nokkur skrifar: „Ég er einmitt að tala við einn Þorstein sem hefur líka svaka áhuga á leðurhönskum en er ekki með sömu mynd og þessi. Vitið þið um fleiri sem heita Þorsteinn og eru með fake aðgang?“. Sú þriðja skrifar: „Það var einu sinni einhver gaur obsessed með að tala við mig um leðurhanska, man ekki hvað hann hét en hljómar eins og þessar sögur að ofan, hér er eitthvað sem ég sendi vinkonum mínum um þetta, mega steikt og krípí.“

Áreitti 16 ára stúlku

Önnur kona birtir skjáskot af skilaboðum hans á Facebook og greinir frá því að hann áreitt sig í tæpt ár. „Eru þetta nægar sannanir? Hann áreitti mig ángríns í tæpt ár! Fyrstu skilaboðin í október 2011 og síðustu í ágúst 2012. Þarna er ég btw 16-17 ára.“

Þær eru fleiri sem segjast hafa ítrekað verið áreittar af manninum. „Var casually að scrolla her og byrjaði að lesa þetta… fatta svo að það er fake profile gaur, Þorsteinn einmitt sem lætur mig ekki i friði og einmitt elskar leður… Takk grouppa! Expose them idiots,“ skrifar önnur.

Ein kona bendir á blæti hans fyrir leðurhönskum sé ekki hið siðferðilega vafasama við hegðun hans, málið snúist um áreiti hans. „Bara svona for the record: það er nákvæmlega ekkert að því að gaurinn se með leðurhannska-fetish. Það er hins vegar allt að því að vera með ranga mynd og nafn og að vera að áreita stelpur á netinu, sérstaklega stelpur sem eru undir aldri.“

Hér fyrir neðan má sjá dæmi um skilaboð sem maðurinn hefur sent konum. Rétt er að taka fram að skjáskotin sýna skilaboð til nokkurra kvenna. Nafn hans hefur verið afmáð en í skilaboðunum hér fyrir neðan notast hann við fjölda mismunandi dulnefna.