Halldóra Kristjánsdóttir Larsen er öryrki og á dögunum var hún í verulegum fjárkröggum. Því ákvað hún að óska eftir aðstoð inna ýmissa hópa á Facebook. Hún bað um dósir sem fólk mætti missa svo nokkuð sé nefnt. Það varð þó til þess að 57 ára karlmaður reyndi að nýta sér neyð hennar. Maðurinn fór eins og köttur í kringum heitan graut áður en hann spurði að lokum: „Hvað myndirðu gera fyrir 10 þús?“

Halldóra deilir reynslu sinni innan hópsins Stöndum Saman – Stefnumótaforrit. „Er í fjárhagslegum erfiðleikum og óskaði eftir gefins flöskum í grúppu á Facebook til að eiga fyrir mat, bensíni og viðgerð á bílnum mínum (afturrúðan sprakk). Þessi hafði samband við mig og þó ég væri búin að segja honum að ég hefði ekki áhuga á kynlífi gegn greiðslu, er ekki það desperat, þá kom hann samt með „Hvað myndirðu gera fyrir 10 þús?“. Pabbi minn er sameiginlegur vinur á Facebook. Ætla að spyrja hann hvernig þeir þekkjast,“ skrifar Halldóra.

Hún hefur gefið DV góðfúslegt leyfi til birta samskipt hennar við manninn. Þau lesa hér fyrir neðan.