Haustið er svo sannarlega komið og má búast við suðlægri átt en skýjað með köflum um landið norðaustanvert í dag. Suðvestlægari og skúrir síðdegis, og gengur í vestan 15 til 20 suðvestan til ef marka má spá Veðurstofu Íslands, sem má nálgast hér á DV.
Allhvöss eða hvöss vestanátt, jafnvel stormur, með snörpum vindhviðum á Reykjanesi síðdegis og í Mýrdal og Öræfum í fyrramálið. Varasamt fyrir farartæki sem viðkvæm eru fyrir vindum.
Í fyrramálið verður úrkomulítið en hvassast á Suðausturlandi. Lægir smám saman en víða verða skúrir á morgun. Allvíða verður næturfrost inn til landsins.