fbpx
Laugardagur 21.september 2019  |

DV - Frjáls og óháður miðill

Fréttir

Hallur vill rannsókn á rannsakendum Geirfinnsmálsins – „Kolsvart myrkur og taumlaus illska“

Ágúst Borgþór Sverrisson
Fimmtudaginn 15. ágúst 2019 13:38

Ekki missa af Helstu tíðindum dagsins í pósthólfið þitt

Lesa nánar

„Á bakvið morð Geirfinns Einarssonar er kolsvart myrkur og taumlaus illska,“ segir Hallur Hallsson, fyrrverandi sjónvarpsfréttamaður og núverandi dagskrárgerðarmaður í þættinum Hrafnaþing. Í nýjum pistli á Facebook fer Hallur stuttlega yfir Geirfinnsmálið og ræðir um heimildarmyndina Skandall sem Sjónvarp Símans sýndi í vor. Hallur telur myndina komast nær sannleikanum í málinu en aðrar heimildir:

„SKANDALL um Geirfinnsmálið eftir þýska blaðamanninn Boris Quatram er magnaðasta heimildasería sem ég hef séð um íslenskt málefni. Ég hygg að enginn hafi komist nær kjarna þessa skelfilega máls en þessi hugrakki Þjóðverji. Illskan skríkir og skýtur gneistum þegar Boris veifar sverði sannleika og beinir ljósinu inn í myrkrið. Quatram horfist í augu við sótsvarta illsku og lýsir upp auga stormsins.“

Hallur segir að sök hafi verið viljandi komið á fyrrverandi sakborninga í málinu og rannsaka verði rannsakendurna:

„Á bak við morð Geirfinns Einarssonar er kolsvart myrkur og taumlaus illska. Sexmenningarnir voru freimaðir, um það er engum blöðum að fletta. Af hverju og af hverjum?Fjórmenningarnir voru freimaðir. Af hverju og af hverjum? Af hverju leirstyttan? Hvað gerðist eftir að málið fór til Reykjavíkur? Hver var pólitíkin á bak tjöldin? Af hverju Schultz til landsins með tilskipun um að fá sexmenningana sakfellda?

Það verður að fara fram rannsókn á rannsakendum Geirfinnsmálsins.“

Hallur er ekki hrifinn af framgöngu þeirra Hauks Guðmundssonar og Valtýr Stefánssonar í myndinni en þeir rannsökuðu hvarf Geirfinns í fyrstu:

„Af hverju koma Haukur Guðmundsson og Valtýr Stefánsson svona illa frá viðtölum við Quatram? Af hverju beindu Valtýr, Haukur og Kristján rannsókn frá eiginkonunni, fjöllyndi hennar og umhverfi? Hver er þáttur viðhaldsins sem hvarf? Af hverju fékk hann að fara úr landi? Voru fleiri? Af hverju leyndi Haukur sambandi sínu við eiginkonu Geirfinns? Af hverju neita eiginkonan og vinkonan að tjá sig?“

Guðjón brotinn maður

Hallur skrifar enn fremur:

„Framganga vinar míns Jóns Kristins Snæhólms er stórbrotin og vinkonu minnar Arnþrúðar Karlsdóttur flott. Gísli Guðmundsson ærlegur leitandi sannleika ásamt enskum kollega. Erla Bolladóttir glæsileg kona sem fundið hefur frið en að sama skapi var sorglegt að sjá Guðjón Skarphéðinsson brotinn mann. Sonarsonur Sævar glæsilegur ungur maður sem ásamt móður sinni leitar svara. Vinur minn Sigursteinn Másson tókst á við þetta skelfilega mál og sú glíma var rosaleg.

Ingvar Þórðarson hjá Neutrinos og Júlíus Kemp hjá Kvikmyndafélaginu eiga heiður skilinn.“

DV skrifaði röð frétt um Geirfinnsmálið í vor sem lesa smella má á hér að neðan og lesa: 

Elskhugi konu  Geirfinns kemur fram

Elskhugi eiginkonu Geirfinns heitir Vilhjálmur

Dularfulli rauði bíllinni í Geirfinnsmálinu

Varpa sterkum grun á elskhuga eiginkonu Geirfinns

 

 

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Logi skilinn

Ekki missa af

Fréttir
Fyrir 2 dögum

Ísland í dag sagt áróður fyrir elítuna: „Ég gubbaði upp í mig“

Ísland í dag sagt áróður fyrir elítuna: „Ég gubbaði upp í mig“
Fréttir
Fyrir 2 dögum

Svavar Knútur: „Aldrei má bara bæta kjör fólks án þess að klípa af því á móti“

Svavar Knútur: „Aldrei má bara bæta kjör fólks án þess að klípa af því á móti“