fbpx
Þriðjudagur 29.september 2020
Fréttir

Amazon eyðir 700 milljón dollurum í endurmenntun starfsmanna – Vélmenni taka yfir 20 milljónir framleiðslustarfa

Máni Snær Þorláksson
Fimmtudaginn 11. júlí 2019 19:35

Ekki missa af Helstu tíðindum dagsins í pósthólfið þitt

Lesa nánar

Amazon tilkynnti í dag að fyrirtækið muni á næstu sex árum verja 700 milljón dollurum í að hjálpa til við að endurmennta þriðjung af starfsfólki sínu í Bandaríkjunum.

Endurmenntunin á að gera starfsfólkið hæfara til að aðlagast efnahagslífinu sem er sífellt tvístrað af sjálfvirkni og nýrri tækni. Hugmyndin er að hjálpa starfsfólki Amazon með að færast yfir í flóknari störf eða jafnvel nýjar stöður utan fyrirtækisins. Verkefnið verður aðgengilegt fyrir 100.000 starfsmenn fyrir árið 2025.

Starfsfólkið getur notað þjálfunina í að færa sig í nýjar stöður sem þeir gætu ekki gert án aukinnar þekkingar. Til dæmis gætu lagerstarfsmenn verið þjálfaðir í að taka að sér stöður í tæknideildinni og almennir starfsmenn gætu fengið þjáflun sem forritarar, jafnvel þó það sé enginn tæknilegur bakgrunnur til staðar.

„Á meðan að svona margir starfsmenn vilja byggja upp ferilinn sinn hér, þá nota aðrir starfið sem stökkpall yfir í önnur störf sem þeir sækjast eftir,“ segir Beth Galetti, yfirmaður mannauðsmála hjá Amazon.

„Við teljum að það sé mikilvægt að fjárfesta í starfsfólkinu okkar og hjálpa því að auka færni sína svo það geti búið til fleiri atvinnutækifæri fyrir sig.“ 

Kveikjan að þessu framtaki hjá Amazon er að vélmenni og gervigreind eru sífellt að taka við störfum af fólki. Það er talið að vélar muni taka yfir störf um 20 milljónir framleiðslustarfa í heiminum á næstu áratugum, samkvæmt nýlegri skýrslu frá Oxford Economics (https://www.oxfordeconomics.com). Það jafngildir um 8,5% af framleiðslustörfum á heimsvísu.

„Með þessu verkefni er Amazon að einbeita sér að því að opna nýja vegi í átt að þeim störfum sem munu halda áfram að vaxa á næstu árum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Facebook-drama í Héraðsdómi – Afinn hraunaði yfir móðurina – „Hún er hættuleg fyrir börnin sín“

Facebook-drama í Héraðsdómi – Afinn hraunaði yfir móðurina – „Hún er hættuleg fyrir börnin sín“
Fréttir
Fyrir 3 dögum

Íslensk móðir með þungar ásakanir – Segist hafa verið svipt forsjá fyrir að vernda dóttur sína fyrir barnaníðingi

Íslensk móðir með þungar ásakanir – Segist hafa verið svipt forsjá fyrir að vernda dóttur sína fyrir barnaníðingi
Fréttir
Fyrir 3 dögum

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól
Fréttir
Fyrir 3 dögum

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð