fbpx
Fimmtudagur 22.ágúst 2019  |

DV - Frjáls og óháður miðill

Tekjublað 2019  Sjá allt

Fréttir

Nýja tólið í baráttunni við myglu heitir Hanz Magnús: „Við verðum bara tilbúin í slaginn“

Erla Dóra Magnúsdóttir
Miðvikudaginn 15. maí 2019 17:00

Ekki missa af Helstu tíðindum dagsins í pósthólfið þitt

Lesa nánar

Hanz Magnús mun taka til starfa fyrir fyrirtækið Mannvit á næstu vikum og verður kærkomin liðsauki í baráttunni gegn myglu í húsum. Hanz hefur hlotið sérstaka þjálfun í að þefa uppi myglu og það eina sem hann vill í laun er að fá að toga smá í bolta.

Hanz er þýskur fjárhundur af Sheffer-kyni og kom til Íslands frá vinnuhundaræktun í Svíþjóð. Hann hlaut síðan þjálfun hjá Jóhönnu Þorbjörgu Magnúsdóttur, eiganda fyrirtækisins Allir hundar. Þjálfun hans er samstarfsverkefni Allra hunda og Mannvits sem hefur verið í tvö ár í vinnslu. Jóhanna ræddi um Hanz og nýju vinnuna hans í Morgunútvarpinu.

„Ég kenni honum í gegnum leik, þetta er allt rosalega jákvætt og við vinnum með jákvæðar tilfinningar og þetta er það skemmtilegasta sem hann gerir. Ég vinn með hans hvatir og þegar hann finnur, eða gerir rétt, þá fær hann það skemmtilegast sem hann veit um, sem er að toga í bolta.“

Hanz elskar bolta, hann elskar þá svo mikið að hann vill ekki sjá hundanammi ef það er bolti nálægt. Hann heitir Hanz Magnús í höfuðið á föður Jóhönnu.

„Hann heitir eftir pabba mínum, hann fékk nafna. Kannski ekki eins og hann vildi, en hann fékk samt nafna.

Það er aldrei hægt að treysta því að lyktarskyn vinnuhunda sé algjörlega 100 prósent, og það er afar mikilvægt að með hundinum sé aðili sem kann að lesa í hegðun hans.

„Það fer alltaf svolítið eftir aðstæðum. Það fer eftir hversu mikið magn, hversu mikill raki, hversu mikill vindur, hversu stórt er húsið.“

Starf Hanz verður einkum gagnlegt þegar kemur að því að staðsetja hvar mygla er í húsum, en raftæki geta sagt til um  hvort mygla sé til staðar eða ekki, en geta ekki bent á hvar hún er staðsett. Með þessu getur Hanz komið í veg fyrir óþarfa tjón því þá er betur vitað hvar rétt sé að leita myglunnar.

Þegar Hanz er ekki í vinnunni er hann svo bara hefðbundinn heimilishundur.

Jóhanna er hundaþjálfari í fullu starfi, sem er kannski ekki það algengt hérlendis.

„Nei ég myndu nú kannski ekki segja það, en maður getur gert allt sem maður vill, það er bara þannig og ég orðið í dag vinn bara við þetta.“

Eins og áður segir mun Hanz taka til starfa á næstu vikum. Mygla í húsnæði er vandamál sem virðist sífellt verða algengara og því ættu Hanz og Jóhanna að hafa nóg að gera.

„Það er ennþá svolítið óljóst hvað verður mikið að gera hjá okkur, en já við verðum bara tilbúin í slaginn.“

Einar Ragnarsson, sviðsstjóri hjá Mannviti, Hanz og Jóhanna
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 6 klukkutímum

Tekjublað DV: Skyrútrásin gefur vel í aðra hönd

Tekjublað DV: Skyrútrásin gefur vel í aðra hönd
Fréttir
Fyrir 6 klukkutímum

Erla varð fyrir miklu áfalli: „Skyndilega þekkti ég ekki sjálfa mig“ – Ætlar að stefna ríkinu

Erla varð fyrir miklu áfalli: „Skyndilega þekkti ég ekki sjálfa mig“ – Ætlar að stefna ríkinu
Fréttir
Í gær

Bíræfinn bringuþjófur hnuplaði 51 pakka af kjúklingabringum í Bónus og Krónunni

Bíræfinn bringuþjófur hnuplaði 51 pakka af kjúklingabringum í Bónus og Krónunni
Fréttir
Í gær

Skólastofurnar ekki tilbúnar í Seljaskóla og kennsla tefst

Skólastofurnar ekki tilbúnar í Seljaskóla og kennsla tefst
Fréttir
Í gær

Kristján sá launahæsti í sjávarútvegi

Kristján sá launahæsti í sjávarútvegi
Fréttir
Fyrir 2 dögum

Sauð upp úr í Grafarvogi: Borgaraleg handtaka framkvæmd á óðum manni

Sauð upp úr í Grafarvogi: Borgaraleg handtaka framkvæmd á óðum manni