fbpx
Fimmtudagur 23.maí 2019

DV - Frjáls og óháður miðill

Fréttir

Margrét hótar að flytja frá Íslandi ef Hatari sigrar: „Best að leyfa Íslandi að sökkva“

Hjálmar Friðriksson
Mánudaginn 11. febrúar 2019 15:15

Ekki missa af Helstu tíðindum dagsins í pósthólfið þitt

Lesa nánar

Margrét Friðriksdóttir, stjórnandi Stjórnmálaspjallsins á Facebook, hótar því innan fyrrnefnds hóps að ef hljómsveitin Hatari verði framlag Íslands til Eurovision í ár þá muni hún flýja land. Hljómsveitinni hefur verið spáð sigri af mörgum og er því ekki ólíklegt að Margrét muni þurfa að standa við stóru orðin. Hún hefur áður spáð hruni í  ferðamennsku á Íslandi ef Hatari sigrar Söngvakeppnina.

Sjá einnig: Margrét óttast hrun ef Ísland velur „djöflarokk“ frá helvíti í Eurovision

Margrét deilir frétt DV um fordæmingu Ívars Halldórssonar á Hatara og segist sammála. „Hjartanlega sammála Ívari þetta lag er skelfilegt í alla staði og mun hafa óhjákvæmilegar afleiðingar fyrir land og þjóð ef það verður kosið áfram, það virðast samt margir íslendingar kunna vel við að lifa í myrkrinu og þunglyndi og sjálfsvíg hefur aldrei mælst hærra meðal ungs fólk og geðlyfjanotkun hér er hæst í heiminum, kannski er þessi hljómsveit lýsandi fyrir ástandið í þjóðfélaginu að mörgu leiti sem er verulega dapurlegt að hugsa til, kjósum ekki hatur og myrkur ég er viss um að við getum gert betur en það,“ segir Margrét.

Ólafur Jóhannsson, formaður Zíon vina Ísraels, skrifar athugasemd við færslu Margrétar og segist óttast að þetta sé afleiðing grandvaraleysis kristinna manna á Íslandi. „Er þetta ekki tímanna tákn. Hafa hinir kristnu bara ekki sofað á verðinum? Við getum ekki bannað hatrið, en við getum látið ljós kærleikans lýsa í okkar eigin lífi. Shalom = friðar kveðja,“ segir Ólafur.

Margrét er á sama máli. „Sammála kannski er best að hætta að skipta sér að þessu og leyfa Íslandi að sökkva í friði í myrkrinu sem augljóst er að margir fíla í botn […] Ég er satt að segja að gefast uppá þessu, hugsa að ég flytji burt frá þessu myrkri áður en langt um líður, mér líður nefnilega ekki vel í stöðugu myrkri sem Ísland virðist vera komið langt á veg með,“ segir Margrét.

Ólafur reynir að stappa í hana stálinu og segir: „Við flýjum ekki myrkrið, við kveikjum ljós.“ Margrét segist hins vegar við það að gefast upp. „Jú það er hægt að flýja myrkrið og það mun ég gera ef þetta lag fer áfram, og mun sennilega aldrei viðurkenna að ég sé frá Íslandi,“ segir Margrét.

Ólafur gefur þá svo í skyn að Hatari hafi verið sendur af guði, mögulega til að vekja kristna menn af dvala sínum. „Ég trúi því að Guð leyfi þetta, e.t.v. að vekja okkur sem köllumst kristinn […] Hef grun um að Hatrið komist áfram. Hvert myndir þú flýja?,“ spyr Ólafur en Margrét hefur enn ekki svarað því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Klaustursupptakan ólögleg og Bára þarf að eyða henni

Klaustursupptakan ólögleg og Bára þarf að eyða henni
Fréttir
Fyrir 20 klukkutímum

Eyþór ánægður með Ara: „Við töldum þetta vera búið þegar hann bað hana afsökunar“ – Hrasaði Birna?

Eyþór ánægður með Ara: „Við töldum þetta vera búið þegar hann bað hana afsökunar“ – Hrasaði Birna?