Fréttablaðið skýrir frá þessu í dag. Haft er eftir Jóni Bjarka Bentssyni, aðalhagfræðingi Íslandsbanka, að með talsverðri einföldum sé hægt að segja að um 1,4 milljarðar hafi tapast vegna vinnutaps.180.000 manns séu starfandi á hverjum tíma og að meðallaunakostnaður sé um 4.000 krónur á tímann og að tvær klukkustundir hafi að meðaltali tapast hjá hverjum starfsmanni.
Ofan á þetta bætist svo kostnaður vegna viðbúnaðaraðgerða og björgunarstarfa sem og vegna beins tjóns, til dæmis vegna foks.
„Það eru upphæðir sem er erfitt að festa fingur á, en eru fljótar að fara upp í einhver hundruð milljóna samanlagt. Ég tel að það sé ekki óvarlegt að segja að það tap sem myndast á þessum tíma sé að minnsta kosti í kringum tveir milljarðar. En á móti kemur að eitthvað er unnið upp til baka á öðrum tímum. Við höfum enn ekki heyrt fregnir af stórfelldu eignatjóni, svo sem að bátar hafi sokkið í höfn eða tjón orðið á stærri samgöngumannvirkjum, sem er fljótt að hleypa upp kostnaðinum.“
Er haft eftir honum.
