Stuðningsmenn Chelsea hafa lagt fram formlega kvörtun til enska knattspyrnusambandsins vegna atviks um helgina. Þeir saka stuðningsmenn West Ham um hommahatur í leik liðanna á laugardag. Þar vann West Ham óvæntan sigur.
Sungið var um að stuðningsmenn Chelsea væru „rent boys“ en það er orð yfir karlhóru í Bretlandi. Reglulega kemur upp að stuðningsmenn Chelsea séu kallaðir þessu nafni.
Ástæðan fyrir því er að í kringum 1980, á einn þekktasta knattspyrnubulla Chelsea að hafa verið gómuð af lögreglu. Þegar lögreglan réðst inn á heimili hans er hann sagður hafa verið í miðjum klíðum, með karlhóru. Þá var Earls Court svæðið nálægt heimavelli Chelsea, þekkt fyrir að vera svæði þar sem karlhórur voru að selja sig.
Söngvar sem þessir eru ekki boðlegir að mati enska knattspyrnusambandsins og er málið komið á borð þeirra. Möguleiki er á að West Ham fái sekt vegna hegðunnar stuðningsmanna sinna.
Stuðningsmenn Chelsea hafa lengi verið að berjast gegn því að þessi söngur um að þeir séu karlhórur verði bannaður, um sé að ræða hommahatur.