Nokkrir ökumenn hafa verið kærðir fyrir of hraðan akstur í umdæmi lögreglunnar á Suðurnesjum það sem af er vikunni. Í skeyti sem lögregla sendi frá sér kemur fram að sá sem hraðast ók hafi mælst á 143 kílómetra hraða á Reykjanesbraut þar sem hámarkshraði er 90 kílómetrar á klukkustund. Hans bíður 210 þúsunda króna sekt og svipting ökuréttinda í einn mánuð.
Þá reyndist ökumaður, sem staðinn var að því að virða ekki stöðvunarskyldu, vera sviptur ökuréttindum.