Samkvæmt lögreglunni í Hollandi hefur fjöldi fólks særst eftir stunguárás í borginni Haag í H0llandi. Lögreglan greindi frá þessu í tísti nýlega en atvikið átti sér stað í aðalverslunargötu borgarinnar. Það er Washington Post sem greinir frá þessu meðal annarra fjölmiðla. Ekki hafa komið upp meiri upplýsingar um málið að svo stöddu.
Uppfært 29 nóv, 21:05
Lögreglan í Hollandi hefur staðfest að þrír séu særðir eftir stunguárásina. Lögreglan hefur ekki gefið upp neina ástæðu sem árásarmaðurinn hafði fyrir árásinni.
Hollenska lögreglan tjáði sig um málið á Twitter síðu sinni en þar biður hún vitni um að stíga fram. Einnig tekur lögreglan fram að málið sé flókið.
Athygli vekur að fréttirnar af þessari árás koma einungis nokkrum tímum eftir að greint var frá stunguárásinni í London.
