Fyrir ári síðan sat Bára Halldórsdóttir, aktívisti og uppljóstrari, á barnum Klaustri og tók upp samtal sex þingmanna sem sátu þar skammt frá að sumbli. Létu þeir þar frá sér ummæli sem ekki þótti sæmandi kjörnum fulltrúum íslensku þjóðarinnar. Nokkrum dögum síðar barst ritstjórnum þriggja fjölmiðla, DV, Stundarinnar og Kvennablaðsins, hlekkur á vefsíðu sem innihélt upptökurnar. Sendandi kallaði sig Marvin, en síðar steig Bára fram undir nafni. Upptökurnar eru sögulegar að mörgu leyti því aldrei fyrr hafa Íslendingar fengið að líta inn í reykfyllt bakherbergi stjórnmálanna með öðrum eins hætti.
Þingmennirir umræddu eru líkt og flestir vita þau Gunnar Bragi Sveinsson, Bergþór Ólason, Sigmundur Davíð, Anna Kolbrún Árnadótti, Karl Gauti Hjaltason og Ólafur Ísleifsson.
Í tilefni af ársafmæli Klaustursmálsins mun DV streyma upptökunum í heild sinni, en upptökurnar hafa ekki verið birtar í heild sinni opinberlega áður. Streymið hefst klukkan 22:00.