Um fátt var meira talað í vikunni en stofnun nýs flugfélags sem hlotið hefur nafnið Play. Margt af fólkinu á bak við Play kemur úr rústum WOW air, til dæmis María Margrét Jóhannsdóttir. Hún var verkefnastjóri á samskiptasviði WOW en er nú samskiptastjóri Play. María er systir Helga Jóhannssonar, sérfræðings í svæfingalækningum, sem starfar í Lundúnum. Helgi hefur getið sér gott orð innan læknaheimsins og var til að mynda á lista dagblaðsins Evening Standard í fyrra yfir áhrifamestu einstaklingana í London árið 2018.
Ekki nóg með það heldur er kraftlyftingamaðurinn og heimsmethafinn Júlían J.K. Jóhannsson bróðir þeirra. Júlían setti heimsmet í réttstöðulyftu á heimsmeistaramótinu í Kraftlyftingum þar sem hann vann einnig til bronsverðlauna.
