Tilkynnt var um reyk frá skátaheimili í Hlíðunum rétt fyrir klukkan 18 í gær. Í skeyti frá lögreglu kemur fram að reykurinn hafi komið frá grilli fyrir aftan húsið og var slökkviliði snúið frá.
Gærkvöldið og nóttin voru tiltölulega róleg í umdæmi lögreglunnar á höfuðborgarsvæðinu. Nokkrir ökumenn voru þó teknir úr umferð vegna gruns um akstur undir áhrifum áfengis og/eða fíkniefna.
Þá var tilkynnt um innbrot í bílskúr í Vesturbænum en ekki liggur fyrir hvort einhverju hafi verið stolið.
