Aðalmeðferð í máli Gyðu Drafnar Grétarsdóttur gegn Jóni Ársæli Þórðarsyni og RÚV fór fram í vikunni, en málið varðar umdeilt viðtal í þáttunum Paradísarheimt. Eins og kom fram við aðalmeðferð voru skilmálar Gyðu fyrir viðtali hundsaðir af bæði Jóni Ársæli og RÚV, sem viðurkenndu þar með bótaskyldu sína. Jafnframt kom fram að enginn sáttavilji hafi verið af hálfu RÚV, en Gyða krafðist fimm milljóna í bætur. Þess er skemmst að minnast að RÚV greiddi Guðmundi Spartakus Ómarssyni 2,5 milljónir í miskabætur utan dómsals vegna fréttaflutnings um meint fíkniefnaviðskipti. RÚV var harðlega gagnrýnt fyrir að semja við Guðmund, sem krafðist upprunalega 10 milljóna króna í bætur. Töldu forsvarsmenn RÚV að hagstæðast væri að semja og því mætti leiða líkur að því að mál RÚV hefði verið veikt fyrir dómi – líkt og mál RÚV gegn Gyðu. Það er ekki sama hver er.