Hildur Þórarinsdóttir, læknir á Vogi segir að greiningunum á ópíóíðafíkn haldi áfram að fjölga. Stöð 2 fjallaði um málið í kvöldfréttum sínum í kvöld. Rætt var við Hildi Þórarinsdóttur, lækni á Vogi, sem segir að greiningunum á ópíóíðafíkn haldi áfram að fjölga.
Ópíóíðar eru sterk verkjalyf eins og morfín, fentanýl, tramadól og oxycontin. Samkvæmt upplýsingum úr dánarmeinaskrá létust 23 í fyrra þar sem ópíóíðar voru aðal dánarörsökin. Lyfjatengd andlát voru 39 í fyrra og eru því andlátin af völdum ópíóíða yfir helmingur af þeim öllum. Hildur segir þetta ekki koma sér á óvart.
„Þessi tala kemur mér í rauninni ekki á óvart. Við sjáum að það er alveg gríðarlega mikil aukning á einstaklingum sem eru að greinast með ópíóíðafíkn, hefur í rauninni meira en tvöfaldast, nánast þrefaldast frá árinu 2017. Stærsti hlutinn af þessu fólki er að sprauta þessu efni í æð og það er mikið áhyggjuefni.“
Einnig var greint frá því í kvöldfréttunum að ópíóíðafaraldur hafi geisað að undanförnu í Bandaríkjunum. Andlát vegna ópíóíða í Bandaríkjunum árið 2017 voru 15,4 á hverja 100.000 íbúa. Andlát vegna ópíóíða hér á landi voru 6,6 á hverja 100.000 íbúa í fyrra.
Í frétt Stöðvar 2 um málið var vakin athygli á því að í Bandaríkjunum séu ólögleg efni aðal orsök andlátanna. Þessi ólöglegu efni sjást hins vegar ekki hér á landi. Ef einungis er tekið mið af andlátum vegna ávísaðra lyfja í Bandaríkjunum eru dauðsföllin mun færri eða 3,3 á hverja 100.000 íbúa. Eins og áður segir voru andlátin vegna ávísaðra lyfja hins vegar 6,6 á hverja 100.000 íbúa á Íslandi í fyrra. Það létust því hlutfallslega fleiri á Íslandi vegna ávísaðara lyfja árið 2018 heldur en á árinu áður í Bandaríkjunum.
Efnin sem eru að valda flestum lyfjatengdum dauðsföllum í Bandaríkjunum eru aðallega ólöglegt fentanýl og heróín. Hildur segir þessi efni ekki vera í jafn mikilli notkun hér á landi og í Bandaríkjunum.
„Við sjáum að það eru einstaka sinnum einstaklingar sem koma hingað og gefa upp neyslu á fentanyli. það er örsjaldan. Í sambandi við heróínið, það er ekki verið að nota heróin hér á landi eins og er.“
Samkvæmt Hildi eru flestir sem greinast með ópíóíðafíkn á vogi á aldrinum 35 til 39 ára en 150 manns eru nú í viðhaldsmeðferð við fíkninni. Hildur segir þessa meðferð vera fyrst og fremst til að koma í veg fyrir ótímabær dauðsföll.
„Áður fyrr gekk fólki illa að ná árangri en staðan er öll önnur með þessari meðferð