Nóttin var með rólegra móti hjá lögreglunni á höfuðborgarsvæðinu, en 45 mál komu inn á borð lögreglu.
Fimm ökumenn voru stöðvaðir fyrir að aka undir áhrifum áfengis eða fíkniefna og brotist inn í eina bifreið. Þá eru tveir aðilar grunaðir um vörslu fíkniefna.
Tilkynnt var um eitt innbrot í bifreið og einnig um eld í trjám og ruslagámi sem reyndist vera minniháttar. Þá var lögreglu einnig tilkynnt um grunsamlegar mannaferðir samkvæmt dagbók lögreglunnar.