Gunnar Jóhann Gunnarsson, sem hefur játað að hafa orðið hálfbróður sínum, Gísla Þór Þórarinssyni, að bana, opnar sig á Facebook og birtir þar ljóð. Gunnar Jóhann lokaði Facebook-aðgangi sínum eftir morðið en virðist hafa opnað aftur á aðganginn nýlega.

Gunnar Jóhann birtir tvö ljóð til barna sinna og veita þau ákveðna innsýn inn í hugarheim hans. Gunnar Jóhann hefur neitað því að um ásetningsbrot hafi verið að ræða og segir atburðinn hafa verið slys. Rannsókn málsins í Meham í Noregi er lokið og er það komið á borð saksóknara.

Sjá einnig: Kærasta Gísla er barnsmóðir Gunnars – „Ég skírði son minn í höfuðið á honum“

Hann neitar því að hafa komið að heimili Gísla Þórs með þann ásetning í huga að verða honum að bana. Gunnar Jóhann á að baki langan sakaferil á Íslandi. Hann hefur meðal annars verið dæmdur fyrir nauðgun og ofbeldisbrot.

Hér fyrir neðan má lesa ljóð sem Gunnar birtir á Facebook og segir að sé ætlað ungri dóttur hans. Þess má geta að kærasta Gísla heitins er barnsmóðir Gunnars. DV hefur afmáð nafn dóttur hans í ljóðinu.

Elsku X

Pabba þótti leitt að fara

Núna skal hann dómaranum svara

Útaf hverju?

Æji að því bara

Svona til vara…

 

Þetta er eflaust erfitt að skilja

Já það er erfitt að skilja

 

En eitt máttu vita X

Pabba þykir þetta vera mikil pína

Að fá ekki lengur að sjá brúnu augun þín skína

Hvað þá brosið þitt stóra blíða

 

Það er svo margt sem ég átti eftir þér að sýna

Það verður núna einhvað að bíða

Þótt pabbi sé langt í burtu, já sko næstum í kína

Þá máttu aldrei halda að þú sért honum búin að týna

 

Pabbi er með mynd af þér svo fína

Sem hann á vegginn í klefa sínum er búin að líma

Þar situr hann og starir á hana í langan tíma

Hugsar fallega til þín, stútfullur af kvíða

 

Hversu lengi ætlar þessi tími að líða

Hvenær fær hann eiginlega að sjá litlu stelpuna sína

Við þessar hugsanir er hann nú að glíma

Það hjálpar mikið að þykjast kunna ríma