Erlendur vagnstjóri sem rak unglingsdóttur Margrétar Friðriksdóttur út úr strætisvagni í fyrradag þar sem hún lenti í erfiðleikum með að greiða fargjald í gegnum Strætó appið vegna skorts á nettengingu verður ekki rekinn. Hins vegar fær hann áminningu. Þetta kom fram á fundi Margrétar með forráðamönnum Strætó í gær.

Ástæðan fyrir því að maðurinn verður ekki rekinn er sú að hann er opinber starfsmaður, eftir því sem Margrét segir. Hún segist hafa lýst þeirri skoðun á fundinum að strætisvagnastjórar ættu að kunna íslensku en Strætó gerir þær kröfur til vagnstjóra að þeir tali annaðhvort íslensku eða ensku.

Á fundinum var spiluð myndbandsupptaka af atvikinu sem Margrét segir að sýni greinilega að stúlkan var að reyna að borga með appinu en ekki tókst vegna tækniörðugleika. Hins vegar sé hljóðrásin í myndbandinu mjög óskýr og erfitt að segja til um hvaða orð viðkomandi létu falla. Margrét segir:

„Er það ekki á ábyrgð Strætó ef nettenginin virkar ekki en þeir auglýsa sig þannig að Stætó sé með WIFI og er það grundvöllur fyrir Strætó appinu myndi ég halda og þess vegna í raun þeirra mistök en ekki farþegans ef svona kemur fyrir og ætti að leyfa öllum að halda áleiðis ferðar sinnar ef tæknin þeirra virkar ekki í vagninum fyndist mér.“

Sjá einnig:

Margrét reið eftir að vagnstjóri rak dóttur hennar út úr strætó