Þessi mikla umræða kom í kjölfar þess að RÚV greindi frá því í kvöldfréttum sínum að einhugur væri meðal meirihluta Reykjavíkurborgar að skoða að minnka framborð á dýraafurðum í grunnskólum borgarinnar.
Umræðan hefur farið út um allt en margir hafa bent á það að maturinn sem boðið er upp á í grunnskólum sé ekki sá besti. Fólk hefur þá sagt matinn vera einhæfan og óspennandi en oftast er skortur á peningum ástæðan fyrir því.
Þegar matseðill Ráðhúss Reykjavíkur er skoðaður sést að maturinn sem þar er boðið upp á er mun betri en maturinn sem börnin fá í grunnskólum borgarinnar. Boðið er upp á fleiri valkosti og maturinn er fjölbreyttari.
Hér fyrir neðan má sjá matseðil Ráðhúsins fyrir vikuna 26. til 30. ágúst.
Blaðlaukssúpa.
Ofnbökuð bleikja með nýjum kartöflum og agúrkusósu.
Asískur grænmetis- og núðluréttur.
Sjávarréttasúpa.
Chili con carne með salsa, osti og nachos.
Mexíkóskur grænmetisréttur.
Kjötsúpa.
Pönnusteikt ýsa í kókosraspi með sinnepssósu.
Grænmetispottréttur.
Sellerýsúpa.
Kornflakes-hjúpaðar kjúlingabringur með kryddkartöflum og döðlusósu.
Blómkálssalat.
Kartöflu og grænmetissúpa.
BBQ grísarif með frönskum kartöflum.
Grænmetisbollur með chilisósu.
Eins og sjá má er matseðillinn í ráðhúsinu afar fjölbreyttur auk þess sem hægt er að velja þrjá mismunandi rétti á degi hverjum og alltaf er að minnsta kosti einn grænmetisréttur í boði.
Hér fyrir neðan má svo sjá matseðil fyrir sömu vikuna hjá einum grunnskóla í Reykjavík, Vogaskóla.
Ýsa í raspi með kartöflum, salati og kokteilsósu.
Hakkabuff með kartöflum, grænum baunum, rauðkáli, salati og lauksósu.
Grænmetisbuff með hrísgrjónum, salati og hvítlauksjógúrtsósu.
BBQ kjúklingur með hrísgrjónum, salati og BBQ sósu.
Pizza með pepperoni
Hér sést að munurinn á matseðlunum tveimur er afar mikill. Ekki er um nærri eins mikið að velja í Vogaskóla eins og í Ráðhúsinu þar sem einungis einn réttur er í boði á degi hverjum.
Auk þess er erfitt að sleppa því að neyta dýraafurða í Vogaskóla þar sem það er einungis boðið upp á einn grænmetisrétt í allri vikunni. Grænkerar skólans geta þó gætt sér á salatinu sem boðið er upp á með matnum en það verður þó seint talið vera fjölbreytt fæði.
Matarstefna Reykjavíkurborgar var lögð fyrir borgarráð fyrir rúmu ári síðan. Í henni má sjá stefnu borgarinnar þegar kemur að mat á bæði vinnustöðum og grunnskólum borgarinnar.
„Reykjavíkurborg vill vinna markvisst að því að matur í Reykjavík sé bragðgóður, næringarríkur og spennandi og að neysla hans, framleiðsla og meðhöndlun öll gangi ekki nærri náttúrunni okkar, hvort sem er staðbundið eða hnattrænt. Við viljum að það sé stutt í góðan og hollan mat, hvort sem er á bændamarkaði, matvörubúð, veitingastað eða í grænmetisgarði þar sem við ræktum kartöflur og grænmeti sjálf.“
Það má svo hver dæma hvort matseðill Vogaskóla fyrir vikuna sé bragðgóður, næringarríkur og spennandi.
