Hjólreiðakeppnin KIA Gullhringurinn fer fram á Laugarvatni laugardaginn 31. ágúst næst komandi en það er í áttunda sinn sem keppnin er haldin. Skráningu í keppnina lýkur á miðvikudagskvöld. Um það bil 500 keppendur eru nú þegar skráðir til leiks og munu þeir hjóla eftir mikið endurbættum vegum uppsveita Árnessýslu. Keppnin verður ræst klukkan 16:00 þetta árið og vert er að vekja athygli vegfarenda á svæðinu í kringum Laugarvatn og Bláskógarbyggð að frá og með klukkan 16:00 má búast við stuttum umferðatöfum á svæðinu.
ÁTTUNDA ÁRIÐ Í RÖÐ
KIA Gullhringurinn er á örfáum árum orðin eitt umfangsmesta og skemmtilegasta hjólreiðamót landsins en þar keppa jafnt byrjendur sem lengra komnir. Hjólað er frá Laugarvatni, leið sem í daglegu tali er kölluð gullhringurinn þ.e.a.s Gullfoss, Geysir og Þingvellir, og er hjólað um einhver fallegustu og gróðursælustu héröð landsins. Átta hundruð þrjátíu og átta keppendur voru skráðir í keppnina og var keppt í þremur vegalengdum eins og venjulega. Veðrið lék við mótsgesti og keppendur í brautinni og þrátt fyrir mótvind niður Biskupstungnabraut þá léku keppendur á alls oddi.
UMFERÐATAFIR VIÐ LAUGARVATN
Vegna keppninar má búast við tímabundnum töfum á umferð í gegnum Laugarvatn á tímabilinu frá 15:30 til 16:30 og aftur frá 18:00 til 20:00. Tímabundin lokun verður í vesturátt frá Biskupstungnabraut að Laugarvatni á tímabilinu 15:45 til 16:30. ( Hægt að keyra niður Biskupstungnabraut og upp frá Svínavatni eða um Reykjaheiði ) Opið verður fyrir umferð frá Laugarvatni að Biskupstungnabraut. Lokað verður fyrir umferð í báðar áttir frá Svínavatni að Laugarvatni á tímabilinu 18:30 til 19:30 en þá verður hægt að koma að Laugarvatni lengri leiðina yfir Reykjaheiði.
ÖRYGGI FYRIR AKANDI OG HJÓLANDI
Lokanir eru til að tryggja öryggi keppendanna og annarra vegfarenda.Alltaf verður hægt að fara hjáleið þó hún taki hugsanlega lengri tíma. Að sjálfssögðu á lokunin ekki við um neyðatilfelli og forgangsakstur en á laugardagskvöld verður þó hvergi öruggara að vera en á Laugarvatni þar sem læknir, lögregla, sjúkraflutningar og björgunarsveitir verða á Laugarvatni þetta kvöld.
Alltaf verður hægt að fara hjáleið þó hún taki hugsanlega lengri tíma. Að sjálfssögðu á lokunin ekki við um neyðatilfelli og forgangsakstur en á laugardagskvöld verður þó hvergi öruggara að vera en á Laugarvatni þar sem læknir, lögregla, sjúkraflutningar verða á Laugarvatni þetta kvöld.
Mikilvæg atriði:
1. Afhending keppnisgagna er í KIA umboðinu frá kl 12:00 til 18:00 á föstudaginn
2. Hægt verður að sækja gögn og skrá sig í Fontana frá 10:00 á laugardagsmorgun en ekki er hægt að tryggja fullan keppnispoka þar.
3. Ræsing keppninnar er kl. 16:00 við Menntaskólann á Laugarvatni
4. Rautt stöðugt afturljós er skilda á hnakkpípu
ALMENNAR UPPLÝSINGAR
• Salerni fyrir keppendur er í sundhöllinni í íþróttamiðstöðinni.
• Allir fá gjafabréf á heimsókn í Fontana en það er takmarkað pláss þar, þannig að þeir sem ekki nýta gjafabréfið á keppnisdegi hafa 12 mánuði til þess.
• Fínt er að taka með hlý föt til að henda yfir sig um kvöldið á verðlaunaafhendingunni
SAMFÉLAGSMIÐLAR
Kia Gullhringurinn er á Instagram! https://instagram.com/gullhringurinn/og myllumerki keppninnar er #kiagull. Það verður bullandi stuð á Instagram og við biðjum ykkur endilega að merkja með merkingunni okkar #kiagull.
Kia Gullhringurinn er á www.kiagullhringurinn.is/ og https://facebook.com/gullhringurinn/.
