Rétt fyrir miðnætti í gærkvöld handtók lögregla karlmann sem stóð úti á götu fyrir framan umferð og meig á götuna. Maðurinn var mjög ölvaður og var hann látinn sofa úr sér á lögreglustöð. Hann má búast við að fá sekt  fyrir brot á lögreglusamþykkt Reykjavíkur.

Þetta kemur fram í dagbók Lögreglunnar á höfuðborgarsvæðinu. Þar segir einnig frá því að um hálfþrjúleytið í nótt var tilkynnt um mann sem var að reyna að brjóta sér leið inn í hús í Hafnarfirði. Maðurinn var ölvaður og gat litlar skýringar gefið á athæfi sínu og því handtekinn.

Klukkan fimm í nótt voru tveir menn handeknir vegna líkamsárásar á einn mann á skemmtistað í miðbænum. Meiðsli árásarþola reyndust ekki vera alvarleg.

Um klukkan 18:00 varö umferðaróhapp í austurbæ Reykjavíkur. Engin meiðsli á fólki en annar ökumaðurinn reyndist vera ölvaður og því handtekinn.

Um klukkan 19:30 var tilkynnt um konu sem lét ófriðlega og var að veitast að fólki.  Hún var handtekin og færð á lögreglustöð þar sem henni var sleppt eftir viðræður.