Um fjögur leytið í nótt barst lögreglunni í Reykjavík tilkynning um mann í heimildarleysi inni íbúð í hverfi 104. Húsráðandi vaknaði við að ókunnugur maður var í íbúðinni. Maðurinn var sagður drukkinn og fór út úr íbúðinni án þess að taka nokkuð. Ók hann burtu á bíl en fannst ekki þrátt fyrir leit lögreglu.
Þetta kemur fram í dagbók lögreglu. Þar segir einnig meðal annars frá umferðarslysi sem varð í Kópavogi klukkan tíu í gærkvöld. Tveir menn voru á fjórhjóli sem valt. Ökumaðurinn er grunaður um ölvun við akstur. Ökumaðurinn kenndi eymsla í öxl og var fluttur á Slysadeild til aðhlynningar og síðan vistaður fyrir rannsókn máls í fangageymslu lögreglu. Farþeginn var ómeiddur. Hjólið er óskráð.
Á ellefta tímanum í gærkvöld var drukkinn maður með hnífi í hendi handtekinn í Kópavogi. Hafði hann staðið í ágreiningi. Maðurinn er grunaður um brot á vopnalögum, líkamsárás og eignaspjöll. Maðurinn var vistaður fyrir rannsókn máls í fangageymslu lögregluu
Fjölmörg atvik voru skráð í dagbókina þar sem ökumenn voru grunaðir um ölvun við akstur eða akstur undir áhrifum fíkniefna Samtals voru 90 mál skráð í dagbók lögreglu frá kl. 17 í gær til 5 í morgun og sjö vistaðir í fangageymslum.