Lögreglan á Suðurnesjum hefur kært á þriðja tug ökumanna fyrir of hraðan akstur það sem af er vikunni. Einn þeirra, erlendur ferðamaður, reyndist aldrei hafa öðlast ökuréttindi og játaði hann brot sín.
Annar sem ók Reykjanesbrautina á 127 kílómetra hraða var með farþega í bifreiðinni sem hann þekkti ekki til. Leikur grunur á að þar hafi verið svokallaður „skutlari“ á ferð, að því er segir í skeyti frá lögreglunni á Suðurnesjum.
Þá segir lögreglu að fáeinir hafi verið teknir úr umferð vegna gruns um vímuefnaakstur í umdæminu.
