Brotist var inn í íbúðarhúsnæði í umdæmi lögreglunnar á Suðurnesjum um helgina og verkfærum að verðmæti 300 til 350 þúsund stolið. Þetta kemur fram í tilkynningu sem Lögreglan á Suðurnesjum sendi frá sér í morgun.
„Áður hafði verið brotist inn í verkstæði og þaðan stolið talsverðu af verkfærum, einkum hleðsluborum. Hafði útidyrahurðin verið spennt upp og sá eða þeir sem þar voru að verki komist inn með þeim hætti. Lögreglan rannsakar málin,“ segir í tilkynningunni.
