Barinn á veitingastaðum Bragginn Bistro kostaði Reykjavíkurborg rúma tvær og hálfa milljón króna. Þetta kemur fram í reikningum sem DV hefur undir höndum.

Barinn var smíðaður af fyrirtækinu SérSmíði ehf. Samkvæmt reikningunum, sem birtir eru hér fyrir neðan í heild sinni, hófst verkið snemma á þessu ári með 300 þúsund króna innborgun á smíði á bargrind. Tekið skal sérstaklega fram að ekki er um að ræða tæki og tól sem eru á barnum, svo sem kaffivél, bjórdælur og svo framvegis.

Næsti reikningur er frá því í lok febrúar, þá upp á 550 þúsund krónur.

Það kostaði meira en milljón að setja upp barinn og smíði á borðplötu og Ikea einingu.

Síðasti reikningurinn er frá því í júlí.

Alls kostaði barinn Reykjavíkurborg 2.519.840 krónur.

Ljósmyndari DV náði þessum myndum af barnum: