Hjónin Louise og Charlie Draven urðu fyrir miklu aðkasti á síðasta ári þegar þau greindu frá því opinberlega að þau hygðust veita syni sínum kynlaust uppeldi. Hann er nú orðinn fimm ára gamall og skilgreinir sig sem dreng. Þau Louise og Charlie hafa hinsvegar bæði ákveðið að gangast undir kynleiðréttingu.
Hjónin komu fram í breska morgunþættinum This Morning í vikunni þar sem þau greindu frá ákvörðun sinni en þau leggjast bæði undir hnífinn síðar á þessu ári. Viðtalið við þau Louise og Charlie má sjá hér að neðan.
Þar kemur meðal annars fram að eftir að þau greindu frá uppeldisaðferðum sínum hafi Louise orðið fyrir miklu aðkasti og fengið ljót skilaboð frá fólki sem átti erfitt með að skilja afstöðu þeirra. „Fólk rést á útlit mitt og ákvarðanir og gekk svo langt að ráðast á son minn með orðum,“ sagði Charlie í viðtalinu sem vakið hefur töluverða athygli.