fbpx
Fimmtudagur 13.júní 2024
Fréttir

Ömurleg landkynning – Skrímslið merkt Íslandi í bak og fyrir – Þjóðverjar slegnir óhug

Ritstjórn DV
Miðvikudaginn 8. ágúst 2018 10:33

Ekki missa af Helstu tíðindum dagsins í pósthólfið þitt

Lesa nánar

Barnaníðsmál í Freiburg í Þýskaland, þar sem móðir og stjúpfaðir drengs seldu barnaníðingum aðgengi að piltinum, hefur vakið óhug margra og eru Þjóðverjar slegnir vegna hryllingsins sem drengurinn hefur mátt þola. Nýverið birtu síðan þýskir miðlar myndir af níðingunum og í kjölfarið var bent á á á samskiptamiðlum að stjúpfaðirinn, Christian L., var merktur Íslandi bak og fyrir við réttarhöldin. Á myndum má sjá hann í vesti þar sem útlína Íslands er vel sýnileg og þá er merki með Íslandi og íslenska fánanum einnig að finna á flíkinni.

Ef myndir af níðingnum eru grandskoðaðar má sjá að undir myndinni af Íslandi stendur „area Europa-Park“. Europa-Park er einn stærsti skemmtigarður Evrópu og er í grennd við Freiburg. Þar eru svæði nefnd eftir löndum Evrópu og nokkurs konar barnalaug er kölluð „Lítill Ísland“. Eins og nafnið gefur til kynna sækja foreldrar þangað með ung börn skemmta sér.

Þó Íslendingum finnist eðlilega ömurlegt að sjá níðinginn með Ísland á brjóstinu bliknar það við hliðina á því sem þolandinn í málinu mátti ganga í gegnum. Parið hefur verið dæmt til refsingar fyrir að hafa nauðgað 10 ára syni konunnar ítrekað og fyrir að hafa beitt hann öðru ofbeldi. Þau seldu einnig aðgang að líkama hans á hinu svokallaða „svarta neti“ en þar þrífst ýmis starfsemi sem ekki þolir dagsljós. Það er stjórnlaust og mikið notað af glæpamönnum og barnaníðingum.

Málið er eitt óhugnanlegasta barnaníðsmál sem þýskir dómstólar hafa tekið fyrir á undanförnum árum. Parið var sakfellt fyrir að hafa selt barnaníðingum aðgang að drengnum tæplega 50 sinnum á „svarta netinu“. Þau voru einnig sakfelld fyrir að hafa tekið upp á myndband þegar þau nauðguðu og misþyrmdu drengnum og að hafa dreift myndunum á „svarta netinu“.

Móðir drengsins, Berrin T., var dæmd í 12 ½ árs fangelsi og unnusti hennar, fyrrnefndur „Íslandsvinur“, í 12 ára fangelsi. Hann hafði áður hlotið dóm fyrir barnaníð. Dómari kvað einnig upp úr með að þegar maðurinn hefur lokið afplánun dómsins verði hann vistaður ótímabundið á viðeigandi stofnun til að koma í veg fyrir að hann geti níðst á fleiri börnum. Parið var einnig sakfellt fyrir að hafa misnotað þriggja ára barn kynferðislega.

Sex aðrir hafa verið sakfelldir fyrir að hafa nauðgað drengnum og hlutu þeir þunga dóma. Parið hafði mörg þúsund evrur upp úr krafsinu fyrir að selja drenginn á netinu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Enok Vatnar sakfelldur fyrir tvær líkamsárásir

Enok Vatnar sakfelldur fyrir tvær líkamsárásir
Fréttir
Fyrir 15 klukkutímum

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga
Fréttir
Fyrir 19 klukkutímum

Kristján foxillur: „Vonandi tekur ekki 100 ár að afgreiða þá umsókn“

Kristján foxillur: „Vonandi tekur ekki 100 ár að afgreiða þá umsókn“
Fréttir
Fyrir 19 klukkutímum

„Kannski það sé skemmra til kosninga en við vitum“

„Kannski það sé skemmra til kosninga en við vitum“
Fréttir
Í gær

Aktívistar frömdu skemmdarverk á málverki af Karli konungi

Aktívistar frömdu skemmdarverk á málverki af Karli konungi
Fréttir
Í gær

Tekinn próflaus á Suðurlandsveginum og reyndi að koma sökinni upp á annan mann

Tekinn próflaus á Suðurlandsveginum og reyndi að koma sökinni upp á annan mann
Fréttir
Í gær

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“
Fréttir
Í gær

Gagnauppsópun fram undan hjá Meta – Þú hefur tvær vikur til að neita að taka þátt

Gagnauppsópun fram undan hjá Meta – Þú hefur tvær vikur til að neita að taka þátt