Logi Már Einarsson formaður Samfylkingarinnar og Inga Sæland formaður Flokks fólksins áttu fund í dag þar sem meðfylgjandi mynd var tekin. Logi berst nú ótrauður fyrir myndum vinstri stjórnar þrátt fyrir að upp úr þeim viðræðum hafi slitnað fyrir skömmu og VG sé nú í viðræðum við Sjálfstæðisflokkinn og Framsóknarflokkinn.

Í færslunni sem fylgir myndinni stillir Logi upp möguleikum á 5 til 6 flokka stjórn með Flokk fólksins innanborðs. Um leið setur hann þrýsting á Vinstri græn og formann þeirra, Katrínu Jakobsdóttur:

„Við Inga áttum gott samtal um brýn verkefni næstu ára. Við eigum bæði rætur í jafnaðarhugsjóninni og rennur til rifja fátækt, misskipting og veik almannaþjónusta.

F væri opinn fyrir því að ræða stjórnarmyndun frá miðju til vinstri.

Þetta væri óvenjulegt en ég er sannfærður um að það er rétta svarið til að koma hér á félagslegum og pólitískum stöðugleika.

Saman hefðu VBSPCF 40 þingmenn en þeir væru 32 án B.

Eins og sagt er í skákinni; VG á leik!“