Tollverðir hér á landi lögðu hald á rúmlega 19 kíló af fíkniefnum á landamærum á síðasta ári, 2016. Þar af var mesta magnið kókaín, rúmlega 7,4 kíló. Þetta kemur fram í tilkynningu frá Tollinum.

Þar segir að 5,5 kíló af hassi hafi verið haldlögð og rúm 4,5 kíló af amfetamíni. Tekið er fram að um bráðabirgðatölur sé að ræða. Auk þesa var lagt hald á eitt kíló af metamfetamíni og nokkurt magn af e-töflum og dufti svo og LSD-efnum.

Tollstjóri minnir á fíkniefnasímann 800-5005. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann. Einnig má koma ábendingum um smygl inn á símsvara 5528030 hjá embætti Tollstjóra.