fbpx
Sunnudagur 25.ágúst 2019  |

DV - Frjáls og óháður miðill

Orðið á götunni

Diamond Beach rokkar

Tekjublað 2019  Sjá allt

Fréttir

Aserta-málinu lokið: Ríkissaksóknari fellur frá áfrýjun

Fjórmenningarnir voru sýknaðir vegna meintra brota á gjaldeyrisviðskiptum í hérðasdómi í árslok 2014 – Sex ár frá einstæðum blaðamannfundi

Ritstjórn DV
Mánudaginn 22. febrúar 2016 13:34

Ekki missa af Helstu tíðindum dagsins í pósthólfið þitt

Lesa nánar

Ríkissaksóknari hefur fallið frá áfrýjun til Hæstaréttar í hinu svokallaða Aserta-máli en héraðsdómur Reykjaness hafði í desember árið 2014 sýknað fjóra menn sem voru ákærðir fyrir brot á lögum um gjaldeyrisviðskipti.

Samkvæmt heimildum DV þá tilkynnti Sigríður Friðjónsdóttir ríkissaksóknari þetta í bréfi sem hún sendi á lögmenn fjórmenninganna fyrr í dag. Var sú ákvörðun ekki rökstudd nánar í bréfinu en í janúar árið 2015 var greint frá því að ríkissaksóknari hyggðist áfrýja málinu til Hæstaréttar. Ekkert verður hins vegar úr því og er málinu núna – sex árum eftir að sakborningarnir voru kærðir og eignir þeirra frystar – endanlega lokið.

Aserta-málið vakti mikla athygli á sínum tíma og boðað var til sérstaks blaðamannafundar í höfuðstöðvum Ríkislögreglustjóra í janúar 2010 þar sem málið var kynnt og meintar sakargiftir raktar. Voru meint ólögleg viðskipti þeirra sögð hafa numið 13 milljörðum króna, en sú fjárhæð jafngilti um 13% af heildarveltu á gjaldeyrismarkaði yfir átta mánaða tímabil.

Dómur héraðsdóms stendur

Þegar fjórmenningarnir – þeir Karl Löve Jóhannesson, Gísli Reynisson, Markús Máni Michaelsson og Ólafur Sigmundsson – voru upphaflega ákærðir af sérstökum saksóknara í mars árið 2013 var ákært fyrir stórfelld brot á gjaldeyrisreglum Seðlabanka Íslands en síðar var fallið frá miklum hluta málatilbúnaðarins. Eftir stóð þá ákæra vegna meintra brota á 8. grein laga um gjaldeyrismál þar sem segir að leyfi Seðlabankans þurfi til að eiga milligöngu um gjaldeyrisviðskipti hér á landi.

Í niðurstöðu héraðsdóms í lok árs 2014 voru fjórmenningarnir hins vegar sýknaðir af þeirri ákæru þar sem gjaldeyrisviðskipti sænska félagsins Aserta voru ekki sögð hafa átt sér stað á Íslandi. Dómur héraðsdóms mun því standa núna þegar ljóst er að ríkissaksóknari hyggst ekki áfrýja málinu til Hæstaréttar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 21 klukkutímum
Það þarf hörmungar
Fréttir
Í gær

Guðberg lenti í grófu einelti og kynferðisofbeldi – „Ég gat ekki andað og missti meðvitund“

Guðberg lenti í grófu einelti og kynferðisofbeldi – „Ég gat ekki andað og missti meðvitund“
Fréttir
Í gær

Tekjublað: Kaupfélagsstjórinn ekki á flæðiskeri staddur

Tekjublað: Kaupfélagsstjórinn ekki á flæðiskeri staddur
Fréttir
Í gær

Lögreglan á höfuðborgarsvæðinu skólaði andstæðing Gleðigöngunnar á Twitter

Lögreglan á höfuðborgarsvæðinu skólaði andstæðing Gleðigöngunnar á Twitter
Fréttir
Í gær

Tekjublað: Sparar á spítalanum

Tekjublað: Sparar á spítalanum
Fréttir
Í gær

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja
Fréttir
Í gær

Stundin segir Loga Pedro fara með rangt mál

Stundin segir Loga Pedro fara með rangt mál