Lögreglan á höfuðborgarsvæðinu naut aðstoðar sérsveitarinnar við að ná manni út úr íbúð í Vallarhverfinu í Hafnarfirði aðfaranótt laugardags. Töluverður viðbúnaður var vegna aðgerða lögreglu þar sem maðurinn var vopnaður hnífi.

Sævar Guðmundsson, aðalvarðstjóri, segir í samtali við DV að maðurinn sé andlega veikur og hafi verið undir áhrifum áfengis. Hann segir að almenningi hafi staðið hætta af manninum en óskað hafi verið eftir aðstoð sérsveitarinnar þar sem talið væri að hann væri með hníf.

Samkvæmt Guðmundi hafði kona mannsins yfirgefið íbúðina og tilkynnt um ástand hans. Lögreglan lokaði fyrir umferð og fóru lögreglumenn inn í íbúðina. Maðurinn sat einn í íbúðinni og að sögn Guðmundar hótaði hann ekki lögreglumönnum en hótaði að skaða sjálfan sig.

Manninum var að lokum fylgt úr íbúðinni og komið í læknis hendur.