fbpx
Föstudagur 01.mars 2024

Pökkuðu skemmtistað í gjafapappír

Kristinn H. Guðnason
Laugardaginn 20. apríl 2019 12:00

Ekki missa af Helstu tíðindum dagsins í pósthólfið þitt

Lesa nánar

Árið 1995 stöðvaði slökkviliðið í Reykjavík óvenjulega uppákomu í miðbænum. Eigendur skemmtistaðarins Déjá Vu höfðu pakkað staðnum inn í gjafapappír í tilefni af eins árs afmæli staðarins. Einn eigendanna var Kiddi Bigfoot sem ræddi við DV um þetta skemmtilega en jafnframt eldfima uppátæki.

Kiddi Bigfoot
Skemmtanastjóri, plötusnúður og eigandi.

Átta tíma vinna

Skemmtistaðurinn Déjá Vu, sem stóð við Bankastræti, var opnaður í mars árið 1994. Til að fagna eins árs afmæli staðarins var ákveðið að pakka honum inn í umbúðapappír, líkt og húsið sjálft væri afmælisgjöf. Var hugmyndin sú að gestirnir gætu „kíkt í pakkann.“

Kristján Jónsson, betur þekktur sem Kiddi Bigfoot, var skemmtanastjóri Déjá Vu og einn af eigendum staðarins. Í samtali við DV segir hann:

„Á þessum tíma vorum við oft að fá mjög skemmtilegar hugmyndir og framkvæmdum margar af þeim. Déjá Vu var þekktur fyrir brjálaðar uppákomur allar helgar og starfsfólkið í gargandi stuði, dansandi uppi á barborðinu. Þarna var eins árs afmælishelgi að hefjast. Staffið ók á limma um bæinn við að dreifa boðsmiðum og við vorum nokkrir að pakka staðnum. Það tók um það bil átta klukkutíma að pakka honum inn. Þegar það var búið stóðum við fyrir utan kófsveittir en helsáttir við útkomuna.“

Déjá Vu
Frétt Morgunblaðsins 25. mars árið 1995.

Löggan kölluð til

Þá kom aftur á móti babb í bátinn. Slökkviliðið mætti á staðinn til að stöðva uppátækið. Enda þótti þeim sérlega hættulegt að klæða gamalt timburhús í gjafapappír á föstudagskvöldi í miðbæ Reykjavíkur.

„Brunaeftirlitið mætti og spurði okkur hvort við værum með leyfi fyrir þessari uppákomu. Við sögðumst ekki vera með það því miður. Þá var okkur sagt að rífa þetta strax af húsinu. Við hringdum í Halldór, ljósmyndara hjá Morgunblaðinu, og báðum hann að drífa sig á staðinn til að ná mynd af þessu. Það væri verið að fara að rífa pappírinn af. Hann rétt náði að koma áður en brunaeftirlitið varð of pirrað, en þeir voru samt búnir að kalla lögguna til. Við reyndum að rökræða við þá á meðan við biðum eftir Halldóri,“ segir Kiddi og brosir.

„Hann kom og náði einni mynd og svo var allt rifið niður á meðan staðið var yfir okkur. Það tók ekki nema um tuttugu mínútur að rífa þetta af. En stemningin var í lagi alla helgina eins og allar helgar á staðnum.“

Þrátt fyrir mikið stuð og uppákomur lifði Déjá Vu ekki nema í tvö eða þrjú ár. Kiddi og Nökkvi Svavarsson héldu uppi stuðinu á staðnum sem margir sakna úr miðbænum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 3 klukkutímum

Ten Hag segir United hafa farið hratt niður sem félag en treystir á Ratcliffe

Ten Hag segir United hafa farið hratt niður sem félag en treystir á Ratcliffe
433
Fyrir 4 klukkutímum

Fylkir kaupir Arnar Núma frá Breiðablik

Fylkir kaupir Arnar Núma frá Breiðablik
433Sport
Fyrir 7 klukkutímum

Nafngreina manninn sem féll til jarðar – Er dæmdur ofbeldismaður

Nafngreina manninn sem féll til jarðar – Er dæmdur ofbeldismaður
Fókus
Fyrir 7 klukkutímum

Systur standa með Bashar alla leið – „Það er mikill heiður að fá að leggja honum lið“

Systur standa með Bashar alla leið – „Það er mikill heiður að fá að leggja honum lið“
Fókus
Fyrir 8 klukkutímum

Pabbi Hailey Bieber biður fólk um að biðja fyrir henni og Justin Bieber

Pabbi Hailey Bieber biður fólk um að biðja fyrir henni og Justin Bieber
433Sport
Fyrir 8 klukkutímum

Börsungar leita nýrra leiða til að fá inn pening – Skoða að framleiða búningana sjálfir

Börsungar leita nýrra leiða til að fá inn pening – Skoða að framleiða búningana sjálfir