Ein stjarna raunveruleika þáttanna Ink Master, Daniel Silva, hefur verið handtekinn fyrir morðið á vinsælli YouTube stjörnu, Corey La Barrie. The Metro greinir frá.

Ink Master eru bandarískir raunveruleikaþættir fjalla um húðflúrara sem keppa sín á milli í margvíslegum keppnum til að sýna hæfileika sína í húðflúrlistinni og aðra tengda listræna hæfileika. Danel var keppandi í 10 seríu þáttanna og nýtur mikilla vinsælda á samfélagsmiðlum. Á Instagram hefur hann yfir milljón fylgjendur og er hann með yfir 230.000 YouTube áskrifendur.

Corey La Barrie var ástralskur YouTube-stjarna, fæddur 1995.  Hann var þekktur fyrir að deila grín myndböndum og YouTube rás sinni sem hefur yfir 300.000 fylgjendur. Á síðasta ári brá honum fyrir í raunveruleika þáttunum The Reality House.

Í fréttum erlendis var greint frá því aí gær að Corey hefði látið lífið í bílslysi í Los Angeles á sunnudaginn sem var jafnframt 25 ára afmælisdagurinn hans.

Nú hefur lögreglan í Los Angeles staðfest að Daniel Silva hafi verið handtekinn vegna andláts Corey, samkvæmt tilkynningu stendur til að kæra Daniel fyrir morð.  Daniel mun hafa verið undir stýri í bifreið þar sem Corey var farþegi. Bílstjóri bifreiðarinnar missti stjórn á bílnum og hafnaði á umferðarskilti. Bílstjórinn reyndi í kjölfarið að frýja af vettvangi en var stöðvaður af sjónarvottum.

Móðir Corey hefur staðfest andlátið. Móðir hans greindi frá því á samfélagsmiðlum. „Það hryggir mig óendanlega, á 25 ára afmæli sonar míns, að tilkynna að hann dó samstundis í slysinu. Engin orð fá lýst þeirri sorg sem fylgir því að missa barnið sitt. Þetta er óraunverulegt og harmurinn er yfirþyrmandi. Ég elska þig svo heitt Corey og ég mun sakna þín svo mikið. Þetta er svo ósanngjarnt“