Umboðsmaður Benjamin Sesko, Elvis Basanovic, segir að Manchester United sé þegar farin að móta áætlun um að gera alvöru atlögu að enskum meistaratitli tímabilið 2027–28, árið sem félagið fagnar 150 ára afmæli sínu.

Sesko gekk til liðs við United fyrir rúmlega 73 milljónir punda í ágúst, en hefur verið frá vegna hnémeiðsla frá því í byrjun nóvember þegar hann fór meiddur af velli í 2-2 jafntefli gegn Tottenham.

Basanovic gaf þó í skyn að endurkoma framherjans gæti verið nær en margir halda.

United vann 4-1 útisigur á Wolves á mánudag og lyfti sér upp í sjötta sæti. Forráðamenn félagsins miða við topp sex í vetur en liðið er jafnt að stigum með Chelsea í fimmta sæti, sem gæti tryggt Meistaradeildarsæti.

Basanovic segir að Ruben Amorim sé rétti maðurinn til að leiða félagið í átt að titilbaráttu.

„Hann er heiðarlegur og faglegur í öllu sem hann gerir,“ sagði hann.

„Hann hefur skýra sýn um hvernig á að koma United á toppinn, en hann þarf tíma. Það er það sem er erfitt að útskýra hjá svona stóru félagi, þar vill enginn gefa þér tíma. En liðið og Ruben eiga það skilið. Við sjáum þegar framfarir.“