Fyrrverandi Disney-stjarnan Maitland Ward, 42 ára, segist ekki sjá eftir því að hafa byrjað í klámi. Hún segir að hún þéni meira í klámi heldur en hún gerði sem leikkona. Maitland lék Rachel McGuire í þáttunum Boy Meets World á Disney Channel.
„Þegar fólk segir: „Hún þurfti að byrja í klámi,“ þá hlæ ég, því þetta er góður hlutur og ég er að þéna meira núna,“ segir Maitland við Daily Beast.
„Ef þú hefðir talað við yngri og „hreinni“ mig þá hefði ég aldrei séð þetta fyrir mér.“
Maitland segir að hún hafi byrjað á því að deila djörfum myndum á Instagram og fékk þá neikvæð viðbrögð frá blaðafulltrúanum sínum.
„Ég var með blaðafulltrúa sem sagði mér að hætta að deila kynþokkafullu myndum. Hann sagði: „Þú verður ekki ráðin fyrir eitthvað ef þú gerir þetta. Um leið og þú verður 30-35 ára þá ráða þeir þig ekki fyrir eitthvað kynþokkafullt. Þú ættir að fara í áheyrnaprufu til að leika Disney mömmu,““ segir Maitland.
„Hann hélt að hann væri að gefa mér góð ráð en þetta var bara ekki mitt […] Ég vildi ekki leika Disney mömmu.“
Maitland segir frá því hvernig hún þénar allt að 7,5 milljón krónur á mánuði sem er mun meira en hún gerði sem leikkona.
„Þetta er ruglað! Að verða klámstjarna á mínum aldri? Ég vil ekki stimpla mig sem eitthvað, ég er bara fullorðin kona sem elskar kynlíf.“
