Læknar fundu fjórar býflugur í auga konu sem voru að nærast á tárum hennar. Ef þú ert hrædd við býflugur þá er þessi grein kannski ekki fyrir þig.

Læknar fundu fjórar býflugur undir augnloki 29 ára konu frá Taívan. Konan byrjaði að finna fyrir miklum sársauka í síðustu viku og fór í kjölfarið á sjúkrahús þar sem læknar fundu býflugurnar sem voru að nærast á táragöngunum hennar, samkvæmt CTS News.

Samkvæmt læknunum er þetta „heimsins fyrsta tilfellið.“ Konan mun ná fullum bata, að stórum hluta vegna þess að hún nuddaði ekki augun mikið sem hefði getað orsakað sjónleysi. The Straits Times greinir frá.

Konan, sem kom aðeins fram undir seinna nafni sínu, He, sagði á blaðamannafundi að hún fann fyrst fyrir óþægindum þegar hún var að þrífa gröf ættingja síns, en þá flugu skordýrin inn í auga hennar án þess að hún tók eftir því, samkvæmt Business Insider Singapore.

Vegna þess að konunni fannst eins og hún væri með sand eða drullu í auganu, þá reyndi hún að skola það með vatni. En það virkaði ekki. Þegar leið á kvöldið var hún í miklum sársauka og ákvað að leita sér læknishjálpar.

Læknar á Fooyin University Hospital í Taívan uppgötvuðu að konan væri með fjórar „svitabýflugur“ undir bólgnum augnalokinu sínu. Býflugurnar voru að nærast á táragöngunum hennar.

Læknirinn fjarlægði eina býflugu í einu úr auga konunnar, og voru býflugurnar allar lifandi á meðan því stóð.

„Ég sá eitthvað sem leit út eins og skordýrafætur, þannig ég dró þær rólega út undir smásjá. Eina í einu án þess að þær skemmdust,“ sagði læknirinn á blaðamannafundinum.

Svitabýflugur ráðast ekki á fólk samkvæmt Dr. Hung, en laðast að svita mannfólks og finnast oft í kringum grafir, en þar er haldið að konan hafi fengið býflugurnar í augað.

Konan er nú að ná fullum bata og mun að öllum líkindum nota hlífðargleraugu næst þegar hún heimsækir gröf ættingja.