fbpx
Sunnudagur 13.október 2019  |

DV - Frjáls og óháður miðill

Spjallað um hönnun og nýsköpun

Hönnunarmars hefst með fyrirlestrardeginum DesignTalks á fimmtudag

Kristján Guðjónsson
Miðvikudaginn 9. mars 2016 14:00

Ekki missa af Helstu tíðindum dagsins í pósthólfið þitt

Lesa nánar

Hin árlega hönnunarhátíð HönnunarMars fer fram um helgina. Á þessari uppskeruhátíð íslenskrar hönnunar sameinast allar greinar hönnunar: arkitektúr, húsgagna- og innanhússhönnun, grafísk hönnun, fata- og vöruhönnun. Um hundrað viðburðir eru á dagskrá frá fimmtudegi til sunnudags, sýningar, uppákomur, innsetningar, kaupstefnur og fyrirlestrar víðs vegar um höfuðborgarsvæðið.

HönnunarMars hefst með fyrirlestradeginum DesignTalks í Hörpu á fimmtudag en þema ráðstefnunnar er „Hönnun, leiðandi afl í nýsköpun.“

Þar munu íslenskir og þekktir erlendir hönnuðir ræða um vinnu sína, þeirra á meðal grafíski hönnuðurinn Jonathan Barnbrook sem vann mikið með David Bowie, Maria Losogorskaya úr ung-arkitektahópnum Assemble sem hlaut Turner-verðlaunin 2015, Lauren Bowker sem blandar saman efnafræði og fatahönnun til að sýna það sem augað nemur ekki, Maria Guidice sem hefur stýrt hönnunarverkefnum hjá stórfyrirtækjunum Facebook og Autodesk, Tom Loosemore sem leiddi meðal annars risaverkefnið GOV.UK, og hönnunarteymið Studio Swine (Azusa Murakami og Alexander Groves) sem hanna hluti úr plastinu sem flýtur um og mengar sjóinn.

Nánast allt í okkar manngerða umhverfi er hönnun

„Það má alveg færa rök fyrir því að hönnun geti ekki verið neitt annað en nýsköpun, því það snýst alltaf um það að endurhugsa hlutina og gera þá betri. Það er það sem hönnun gengur í rauninni út á,“ segir Hlín Helga Guðlaugsdóttir sem mun stýra umræðum á DesignTalks.

„Það sem vakir fyrir okkur og okkur fannst spennandi að taka fyrir þetta árið sem þema, er á að skoða hönnun út frá víðu samhengi og út frá því hvaða snertifleti hún hefur við almenning og okkur öll. Því hönnun er auðvitað eitthvað sem við rekumst á daglega. Nánast allt í okkar manngerða umhverfi er hönnun.“

Upplýsingar um alla viðburði á HönnunarMars má sjá á vefsíðu hátíðarinnar www.honnunarmars.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 3 klukkutímum

Pabbinn segir fréttirnar bull

Pabbinn segir fréttirnar bull
Bleikt
Fyrir 3 klukkutímum

„Er í lagi með Simon Cowell?“ – Aðdáendur áhyggjufullir

„Er í lagi með Simon Cowell?“ – Aðdáendur áhyggjufullir
Fókus
Fyrir 6 klukkutímum

Lítt þekkt ættartengsl: Listræn systkini

Lítt þekkt ættartengsl: Listræn systkini
Fréttir
Fyrir 6 klukkutímum

Sorglegt hvernig Breiðholtið er talað niður – „Ungt fólk elst upp haldandi að þau séu annars flokks þegnar“

Sorglegt hvernig Breiðholtið er talað niður – „Ungt fólk elst upp haldandi að þau séu annars flokks þegnar“
433Sport
Fyrir 6 klukkutímum

Vill hætta við mikilvægasta leik Íslands í mótmælaskyni – ,,Við verðum að sýna svolitla siðferðilega festu einstaka sinnum“

Vill hætta við mikilvægasta leik Íslands í mótmælaskyni – ,,Við verðum að sýna svolitla siðferðilega festu einstaka sinnum“
Fókus
Fyrir 7 klukkutímum

Fimm íslenskar tímaskekkjur

Fimm íslenskar tímaskekkjur
433
Fyrir 7 klukkutímum

Búnir að hafa samband við Eriksen

Búnir að hafa samband við Eriksen
Fókus
Fyrir 9 klukkutímum

Yfirheyrslan: „Ef þú getur gert það á fimm mínútum, gerðu það strax“

Yfirheyrslan: „Ef þú getur gert það á fimm mínútum, gerðu það strax“
433Sport
Fyrir 9 klukkutímum

Líklegt byrjunarlið Íslands gegn Andorra: Fær Alfreð traustið?

Líklegt byrjunarlið Íslands gegn Andorra: Fær Alfreð traustið?