Dóttir ísdrottningarinnar Ásdísar Ránar Gunnarsdóttur og fótboltamannsins Garðars Gunnlaugssonar er að stíga sín fyrstu skref í fyrirsætubransanum. Hún hefur ekki langt að sækja hæfileika sína, enda móðir hennar ein farsælasta fyrirsæta okkar Íslendinga.

Ásdís Rán á langan feril að baki sem fyrirsæta. Hún sat fyrst fyrir þegar hún var sautján ára og vakti fljótt athygli fyrir fegurð sína og þokka.

Victoria Rán Bergmann Garðarsdóttir er fjórtán ára gömul og fetar í fótspor móður sinnar. Hún var í aðalhlutverki fyrir myndasýningu hjá rússnesku listakonunni og ljósmyndaranum Olgu Volodina.

Það verður gaman að fylgjast með þessari kraftmiklu ungu dömu í framtíðinni.