Konungar diskótónlistarinnar, Kool and the Gang, héldu nýlega tónleika í Eldborgarsal Hörpu. Hljómsveitin var stofnuð 1969 og hefur starfað óslitið síðan. Til að byrja með var fönk og djass áberandi í lögum þeirra, en seinna kynntust þeir diskóinu og þá varð ekki aftur snúið.

Það þekkja allir lög eins og Get down on it, Joanna, Cherish, Celebration, Fresh, Jungle Boogie og Ladies Night og tónleikagestir voru vel með á nótunum, sungu og klöppuðu með. Fyrr en varði voru margir þeirra staðnir upp og farnir að dilla sér með.

Eftir tónleikana brugðu margir gesta sér í eftirpartí í Björtuloftum og þar var stiginn dans fram eftir nóttu og sáu dj-arnir Daggi diskó Guðbergsson og Hlynur Jakobsson um að þeyta skífum.

Cherish Parið Dagný Dögg Bæringsdóttir og Ívar Guðmundsson er duglegt að sækja tónleika.

Everybody's dancin' Hjónin Borghildur Erlingsdóttir, forstjóri Einkaleyfastofu, og Viðar Lúðvíksson, einn eigenda Landslaga, buðu elstu börnunum, Viðari Snæ Viðarssyni og Arnhildi Önnu Árnadóttur, með, enda tónlistin fyrir alla aldurshópa.

Fresh Athafnahjónin Inga Lind Karlsdóttir og Árni Hauksson voru fersk og flott.

Ladies night Vinirnir Sybil Gréta Kristinsdóttir, hjónin Guðrún Möller og Ólafur Árnason, Simbi klippari og Anna Þóra Björnsdóttir.

Jungle Boogie María Lísa Benediktsdóttir og parið Fríða Rún Þórðardóttir, stjórnarformaður og eigandi Regus og Orange, og Tómas Hilmar Ragnarz, eigandi og framkvæmdastjóri Reguz og Orange.

Celebration Vinirnir Bergur Rosinkranz, Eyþór Guðjónsson og Jónas Sigurgeirsson voru mættir til að skemmta sér.

Get down on it Björk Svarfdal, Björn Sigurðsson, Kristín Sæmundsdóttir og Gísli Þór Magnússon biðu spennt eftir að sjá Svala og gengið.