Bandaríski tónlistarmaðurinn Lefty Hooks segir á Facebook-síðu sinni að hann hafi verið kallaður „nigga“ eða „negri“ á Laugaveginum í gær. Lefty Hooks hefur verið búsetur á Íslandi um árabil og er einnig betur þekktur sem Antlew. Hann var annar meðlimur tvíeykisins Antlew og Maximum sem var ein fyrsta rapphljómsveit Íslands.

Lefty Hooks segir að það sé þvæla að enginn rasismi sé á Íslandi. „Ekki segja mér að á Íslandi sé enginn rasismi og sé fullkomið lítið land. Það er kjaftæði, en ég skil að enginn staður sé fullkominn. Við höfum öll okkar galla, það liggur í loftinu, en ég umber það,“ segir Lefty Hooks.

Hann heldur áfram og segir að Pólverjar séu einna verstir hvað þetta varðar. „Sumir Pólverjar taka þetta á annað stig, ekki allir, en þessir fullu fjandar sem kalla mig „nigga“ um hábjartan dag,“ segir Lefty Hooks.

Lefty Hooks hefur snúið sér að reggí tónlist í seinni tíð. Hann skipar hljómsveitina Lefty Hooks & the Right Thingz ásamt Magnúsi Jónssyni, eða Gnúsi Yones eins og hann er kallaður.

[youtube https://www.youtube.com/watch?v=pLuU3X9r7Y&w=560&h=315]